Een van die vyf heksluise wat tans by Vaaldam oop is, sal vanoggend om 10:00 toegemaak word, gevolg deur ‘n tweede heksluis wat later vanmiddag om 16:00 toegemaak word.

Vaaldam is tans 110,71% vol met invloei vanoggend gemeet teen 266,59 kubieke meter per sekonde en uitvloei teen 07:42 gemeet teen 793 kubieke meter per sekonde.

Barrage laat tans water uit teen 970 kubieke meter per sekonde.

Bloemhofdam is nou 99,62% vol met uitvloei huidiglik gemeet teen 1 100 kubieke meter per sekonde.

Uitvloei by Bloemhof sal teen 10:00 vanoggend verminder word na 1 000 kubieke meter per sekonde en dan as volg verminder word:

11:00 – 900 kubieke meter per sekonde

13:00 – 800 kubieke meter per sekonde

14:00 – 700 kubieke meter per sekonde