Die komediant en akteur Rikus de Beer, wie in Klerksdorp matrikuleer het,  beter bekend as Jonathan van Radio Raps, is in ’n kritieke toestand in ’n Pretoriase hospitaal nadat hy Maandag ’n buikoperasie ondergaan het.

Volgens ‘n persverklaring wat op Radioraps se Facebook blad uitgereik is, is hy Maandag oorgeplaas na hoë-sorg en teen Dinsdag na die intensiewe eenheid waar hy gemonitor word.

JacarandaFm berig dat hy galstene gehad het wat na sy lewer en pankreas versprei het maar dokters kon dit nie verwyder nie want daar was komplikasies.

“Sy mediese span is tevrede en sê sy toestand is ernstig, maar bestendig. Die bestuurspan vra verskoning vir ongerief rakende optredes wat geskuif is, maar wil hom graag gou weer sterk en gesond sien,” lui die verklaring

Sy beplande optredes vir die volgende drie weke is uitgestel en die nuwe datums sal binnekort bekendgemaak word.

Hy het in 2014 sy YouTube-debuut as Jonathan van Radio Raps gemaak. Sy snaakse video’s het ’n internetsensasie geword en dit was die begin van sy loopbaan as komediant en akteur.