Nêrens in die stad sal jy dieselfde koffiebone kry as by Sligo Café nie.
Sligo Café is ’n unieke koffiewinkel wat pas sy deure in Holtzhausenlaan 26 oopgemaak het.
Vir ’n heerlike koppie koffie en iets lig en lekker te eet, kom maak ’n draai.
Die eienaar van Sligo Café, Tokkie Warren, het voorheen die melkery langs Potch Slaghuis in Maherrystraat gehad. Baie mense sal haar as Kaalvoet Klonkie onthou.
Sy het haar oorlede man belowe dat sy dié melkery sou toemaak sodra dit beter gaan met hul boerdery.
Dit het beter gegaan, en in 2010 het Tokkie die melkery toegemaak en verder met hoenders en varke geboer.
Sy het wel vanjaar besluit om die koffiewinkel vir haar kleindogter oop te maak omdat werk in Suid-Afrika so skaars is en dit iets vir haar toekoms kan bied.

Dié koffiewinkel bied nie net ’n verskeidenheid koffie nie, maar ook kwaliteit kos en groot porsies teen baie kompeterende pryse.
Alles wat jy hier kry is tuisgebak en vars gemaak.
Sy het heerlike melkskommels om jou af te koel op ’n warm dag en daar word ook ’n speelarea vir kinders beplan. Verder is daar ook ’n konferensiefasiliteit vir 10 tot 12 mense wat bespreek kan word.
Sy nooi almal uit om hul heerlike tuisgemaakte pasteie en pastas en veral hul Italiaanse hoender op die proef te kom stel.
Gaan maak gerus ’n draai van Maandae tot Vrydae van 09:00-17:30 en Saterdae van 09:00-15:00.