Video: Nuwe era van groei vir Volkies
Volkies se nuwe waarnemende hoof, Gerhard Swart, deel meer oor die nuwe hoofstuk wat Volkies in 2024 begin saam met twee waarnemende adjunkhoofde, Christa Oosthuizen en Alicia Olivier.
Hoër Volkskool Potchefstroom het op Donderdag, 1 Februarie amptelik hulle nuwe bestuur aangekondig.
Hierdie driehoek bestaan uit die waarnemende hoof, mnr. Gerhard Swart, en waarnemende adjunkhoofde, mev. Christa Oosthuizen (administratief) en mev. Alicia Olivier (akademies).
Lees meer hier oor die voormalige hoof van Volkies (2018-2024) mnr. Terry Nicholenas, wat in Januarie afgetree het.
Kyk die video hier van Mnr Swart waar hy meer oor die doelwitte van 2024 deel:
Volgens Swart is groei die wagwoord by Volkies vanjaar in hierdie nuwe tydperk in 2024.
“Ek sal graag wil sien hoe Volkies op alle terreine (sport, akademie, kultuur) groei en hulself kan uitleef. Goeie kommunikasie tussen personeel, ouers en leerders is ook baie belangrik,” staaf Swart, wie se passie dit is om kinders te help en te ondersteun.
