Volkies het Dinsdag die seremoniële uitrol van die nuwe Astro-baan behartig. Dié onthulling is die laaste fase van Volkies se Astro-projek voordat die baan amptelik geopen gaan word. Volkies werk al ‘n geruime tyd aan die Astro-projek wat nou ‘n realiteit geword het. Bane vir hokkie is nie meer vir skole ‘n lekker fasiliteit om te hê nie. Dit is deesdae van kardinale belang vir ‘n skool wat ernstig is oor hokkie ontwikkeling om ‘n Astro-baan te hê. “Van die Volkie bestuur, personeel en hokkie spelers het geleentheid gekry om die groot onthulling by te woon. “Baie dankie aan elkeen wat ‘n rol speel om hierdie droom ‘n realiteit te maak,” het die skool in ‘n verklaring gesê.