Die JB Marks Plaaslike Munisipaliteit wil graag inwoners op hoogte hou van die onlangse oorstromingsvoorval by die Ventersdorpweg-hoofwaterpompstasie, wat veroorsaak is deur ‘n meganiese fout op Pomp 1.

“Ons is bly om te rapporteer dat die pompstasie gisteraand ten volle herstel en weer in werking gestel is,” het Jeanette Tshite, munisipale woordvoerder gesê.

“’n Omvattende inspeksie het bevestig dat alle meganiese en elektriese toerusting in ‘n goeie werkende toestand is en ten volle in staat is om normale bedrywighede te hervat.”

Gebiede wat deur die ontwrigting geraak is, sluit in Dassierand, Kannoniers Park, Witrand-hospitaal, Promosa, Mohadin en die westelike dele van Ikageng (alle uitbreidingsgebiede).

“Ons vra opreg om verskoning vir die ongerief wat veroorsaak is en waardeer die geduld en begrip wat deur inwoners gedurende die ontwrigtingstydperk getoon is.”