Laerskool Mooirivier se graad 7’s het laerskoolloopbaan voltooi en watter mooier manier om dit af te sluit as met ’n spesiale kerkdiens saam met hul ouers.

Bart du Plooy, hoofseun van 2019, het waardevolle raad en bemoediging gedeel vir die nuwe fase wat voorlê. Klein Paul Schutte, ’n trotse Graad 1 Tokkie, het ook namens die jongspan gegroet.

“Wanneer ’n hoofstuk in ’n boek klaar geskryf is, beteken dit nie die einde nie – dit is bloot die begin van ’n nuwe verhaal. Ons wens elkeen van ons Graad 7’s die mooiste nuwe herinneringe toe. Mag Tokkie-trots altyd deel wees van julle harte,” het die skool die leerders sterkte toegewens.