Op Vrydag 18 November het verskeie “base” in Potchefstroom hul middag in ‘n tronksel in die middel van Mooirivier Mall deurgebring.
Cansa se Jail & Bail is ‘n fondsinsamelingsprojek wat Cansa na jare weer voortgesit het.
Hierdie projek behels dat ondernemings in Potchefstroom hul werkgewers moet laat “toesluit” op die een of ander fiktiewe aanklag.
Werkgewers is dan by hul werkplekke in hegtenis geneem deur lede van CB Security, waar hulle dan in die sekuriteitsvoertuig na die Mall geneem is. Hier moes hulle voor ‘n “regter” staan en hul tronkstraf ontvang.
Nadat hulle in die tronk gegooi is, moes hul werknemers hul borg kom betaal voordat hulle vrygelaat word, en intussen moes die arme base nog blikskud met die hoop dat ‘n verbygaande besoeker aan die sentrum ‘n rand of twee daarin sal gooi.
Die dag was ‘n groot sukses en Cansa het sowat R25 000 ingesamel, waarvan byna R6 000 net uit die blikkies gekom het. Ondernemings wat deelgeneem het is Redspot, Potchefstroom Herald, Campus Key, Pukki Verblyf, BKD Ouditeure, MTN Mooirivier Mall, Clicks Mooirivier Mall, CUM Boeke Mooirivier Mall, NTT Potchefstroom, Bluetek Computers, Die Luiperds Rugby Unie, CTU Potchefstroom Campus, H&S Elektriese Dienste, Smart Fone oorkant PEP. Isabel Minnaar van Cansa bedank graag vir CB Security, Mooirivier Mall en My Potch Hub vir hulle hulp om die projek moontlik te maak.
