Drie voetgangers is die week deur voertuie raak gery.

Sondagaand (4 Desember) omstreeks 21:00 is ʼn 10 jarige seun op die N12 naby die weegbrug raak gery. Hy het veelvuldige beserings opgedoen en is in ʼn kritieke toestand deur IMR ambulansdienste na Potchefstroom hospitaal toe geneem vir verdere behandeling.

Vandag (6 Desember) is daar twee mense raak gery ʼn uur uit mekaar uit. Omstreeks 12:30 het twee voertuie in Hoffmanstraat kop-aan-kop met mekaar gebots. In die proses is ʼn voetganger raak gery, die jong vrou is ook deur IMR ambulansdienste na Potchefstroom Hospitaal toe geneem vir verdere behandeling.

Skaars ʼn uur daarna is nog ʼn jong vrou by ʼn voetoorgang in Govan Mbeki rylaan raak gery terwyl sy die pad wou oorsteek. Sy is deur IMR op toneel behandel waarna sy na Potchefstroom Medi-clinic geneem is vir verdere behandeling.