Drie vroue het vandag (18 Januarie) omstreeks 12:40 ligte tot matige beserings opgedoen nadat die voertuig waarin hulle gery het in ‘n sloot naby Russelstraat beland het.

Die bestuurder het glo beheer van die voertuig verloor waarna dit in die sloot beland het. Paramedici van ER24 en die brandweer moes die voertuig eers stabiliseer voordat hulle die vroue uit die voertuig kon haal.

Al drie vroue is na Potchefstroom hospitaal geneem vir verdere behandeling.