Alle openbare universiteite moet in staatsbesit en beheer gesit word om gelykheid te verseker, het die ANC-jeugliga tydens Woensdag vir die ondersoekkommissie oor klasgelde gesê.

Volgens ANC-jeugliga se sekretaris-generaal Njabulo Nzuza sal dit lei tot verhoogde inkomste vir die regering en gestandaardiseerde koste van onderrig.

Hy het ‘n beroep op die kommissie gedoen om na die Kubaanse onderrigmodel  te kyk vir oplossings oor die befondsing van hoër onderwys.

“Sommige instellings maak besluite wat ander studente uit sluit. Hulle beheer toegang deur van finansiële middele gebruik te maak,” het hy gesê.

“Ons moet nie onderrig as verkwistende besteding sien nie. Ons moet dit  as ‘n belegging in die toekoms, iets wat innovasie sal vonk in die lang termyn.

Onderwys moet net gratis wees vir diegene wat dit nie kan bekostig nie. Diegene wat kan betaal moet dit doen,”  het hy gesê.