Ongeveer ’n jaar en ’n half nadat ’n gedeelte van die seunskoshuis by Hoër Volkskool Potchefstroom gebrand het, het ’n rukwind Dinsdagaand omstreeks 18:00 die dak van een die klaskamers afgewaai.

Gelukkig was dit gedurende die skoolvakansie. Die sinkplate wat van die dak na die vierkant, waar daar gewoonlik kinders sit, gewaai het, kon ernstige beserings of iets ergers veroorsaak het.
Nog reën word vir die hele week voorspel. Die inhoud van die klaskamer waar die dak afgewaai het, kan dalk beskadig word indien dit nat word.
Dit is onduidelik wat die omvang van die skade is, omdat die departement van onderwys eers self die skade moet kom evalueer, aangesien die geboue aan die departement behoort.
* Die Herald kon geen kommentaar van die beheerliggaam oor die voorval bekom nie.