‘n Gesamentlike bidgeleentheid het gister op die NWU Potchefstroomkampus plaasgevind.

Wapad, het gister fotos op hulle Facebookblad oor die geleenteheid opgelaai.

Volgens Burger Terblanche, SR lid vir BOB, het die studenteraad vir Prof. Fika Janse van Rensburg, kampusrektor van die Potchefstroomkampus en Mohammed Uzair Bhamjee, van die Moslem-studentevereniging genooi om saam met studente voor die eksamens te bid.

“Ons het die eksamens aan God opgedra en daarna het die Moslem studente hulle vas gebreek. Dit was ‘n vinnige geleentheid vir studente wat wou deelneem,” vertel Terblanche.

Die SR het ook ‘n busdiens begin tydens die eksamen vir studente wat later op kampus wil bly om te leer en nie vervoer het nie.