Is die winter vir jou ’n tyd wat jy wil ontsnap van die koue en net wil hiberneer. Is daar niks wat jou kan warm maak nie?
Die Rooy Food Market het net die antwoord vir jou met hul geurige Maleisiese lamskerrie, aromatiese gluhwein en hoender briyani om jou warm te kry.
Die mark vind eerskomende Sondag, 30 Julie van 09:00 tot 15:00 by die Van Rooyensaal in Piet Bosmanstraat in Potchefstroom plaas.
Plaaslike kunstenaars soos Trumpet in Wonderland en Nicola van Staden sal die atmosfeer vir die dag skep, terwyl jy van verskillende soorte kosse, drinkgoed en nageregte kan kies en keur.
Met produkte en disse soos interessante lekkernye, Hollandse krokette, beesstert met stampmielies en tradisionele skaap afval, verwelkom hierdie mark graag vegetariërs, vleiseters en suikerbeheptes.
Vir mammas en pappas wat rustig al die stalletjies wil besoek, is daar sandkuns en kuns kabouters vir die kleinspan. Daar is natuurlik ook ‘n springkasteel waarop hulle kan baljaar en van al die oortollige suiker kan ontslae raak voordat jul weer huiswaarts keer.
Daar is ook ‘n crafts-afdeling waar houtmeubels, handsakke en beursies van Vivage en Cotton Road en opvoedkundige speelgoed vir die jongspan te koop sal wees.
Verder sal Malcolm Cowan sy kuns uitstal en het die Bennie Boekwurms ’n groot verskeidenheid boeke om van te kies en te keur.
Die volgende Rooy Food Market word op 27 Augustus gehou.
Bring jou vriende en familie, want hierdie mark sal verseker die smaakknoppies laat bos gaan!
Vir nadere besonderhede kan Tania by 079 918 2092 gekontak word.