Vyf mense is vanoggend (20 September) omstreeks 08:30 beseer nadat die voertuig waarin hulle was binne ‘n sloot, ongeveer 15km buite Potchefstroom op die Carletonvillepad, beland het.

Volgens Russel Meiring, ER24 woordvoerder, het paramedici op die toneel gekom waar al vyf insittendes reeds uit die voertuig verwyder is.

“Gelukkig was daar nie baie ernstige beserings nie,” het Meiring gesê.

Al vyf mense is op die toneel behandel waarna hulle na Potchefstroom hospitaal geneem is vir verdere behandeling.

Die presiese oorsaak van die ongeluk is nog onbekend maar die polisie was op die toneel vir verdere ondersoek.