’n Man is Sondagoggend omstreeks 01:30 op aanklag van moord in hegtenis geneem na ’n messtekery in die Wilgeboom-omgewing.
Volgens ao. Mpho Manyoba, polisiewoordvoerder, is die polisie na ’n toneel by ‘n kleinhoewe in omgewing uitgeroep.
“Met hul aankoms het die beamptes ’n vrou gevind wat gesê het haar broer het ’n man met ’n mes doodgesteek,” vertel Manyoba. Sy het die verdagte uitgewys.

Die slagoffer is hospitaal toe geneem, waar hy later in die hospitaal dood is weens die steekwonde wat hy in sy nek opgedoen het.
Kgosimang Lashe is in hegtenis geneem.
Hy het Dinsdagoggend op aanklag van moord in die landdroshof in Potchefstroom verskyn.