Kragonderbreking môre in Ventersdorp en omgewing

‘n Kragonderbreking môre (17 Desember) sal veroorsaak dat die hele Ventersdorp, Moosa Park, Tshing, Toevlug en die omliggende plaasgemeenskap van 08:00 tot 17:00 geen kragtoevoer het nie.

Volgens die kommunikasiewoordvoerder van die J.B Marks munisipaliteit, William Maphosa, sal Ventersdorp se Hoofsubstasie afgeskakel word om noodherstelwerk te doen.

Inwoners word gevra om alle kraginstallasies as lewendig te hanteer aangesien die krag dalk voor die geskeduleerde tyd aangeskakel mag word. Die munisipaliteit vra ook omverskoning vir die ongerief wat dit vir almal meebring.