Hoër Volkskool Potchefstroom het onder die leiding van die huidige beheerliggaam, besluit om nog meer toekomsgerig en koste-effektief te raak, veral met beurtkrag wat ‘n groot invloed tans het.

Die skool en koshuise het sodoende 257 sonpanele laat installeer danksy Einstein Elektriese Ingenieurs en Motla Konsulterende Ingenieurs. Volgens die skool is die doel van die sonpanele om eerstens ‘n besparing op hul kragrekening te genereer, en dan ook om selfonderhoudend ten opsigte van elektriseit te wees.

Die sonpanele is amptelik in gebruik geneem op 7 November, toe die betrokke partye inligting met die skool kom deel het. Volkies noem dat hulle daarna uitsien om hierdie groot projek se effek te beleef.