Inwoners omgekrap na burgemeester nie vir vergadering opdaag nie
JB Marks se Geïntegreerde Ontwikkelingsplan (GOP) vir (2022-2027) sou tussen die relevante raadslede, inwoners en besigheidseienaars in wyke 2,3,4,5, 7, 15, 22, 23, 24, 25 en 28 bespreek word.
Die uitvoerende burgemeester van die J.B. Marks Munisipaliteit, Gaba Ka Qhele, het nie gisteraand (Woensdag, 15 Februarie) vir ‘n belangrike Geïntegreerde Ontwikkelingsplan (GOP) vergadering by die Madiba Banketsaal opgedaag nie.
Sodoende kon die vergadering wat vir 17:00 gereël was, nie plaasvind nie. Dit is omrede die burgemeester as voorsittende beampte moes optree.
J.B. Marks se Geïntegreerde Ontwikkelingsplan (GOP) vir (2022-2027) sou tussen die relevante raadslede, inwoners en besigheidseienaars in wyke 2,3,4,5, 7, 15, 22, 23, 24, 25 en 28 bespreek word.
Lede van die publiek wat bygewoon het was duidelik kwaad en het gevoel dat hulle gedisrespekteer word nadat die vergadering nie plaasgevind het nie.
Dit is nog onduidelik hoekom die burgemeester nie opgedaag het nie. Die Herald het navraag aan die munisipaliteit hieroor gestuur, maar nog nie terugvoer ontvang nie.
‘n Nuwe datum vir hierdie belangrike vergadering sal nog bepaal word.
