Genealogiese Genootskap van SA vereer lede tydens galafunksie in Potchefstroom
Die Noordwestak, onder voorsitterskap van Simon du Plooy, het as gasheer opgetree.
Die Algemene Jaarvergadering van die Genealogiese Genootskap van SA (GGSA) het vanjaar vanaf 10-11 Maart 2023 in Potchefstroom plaasgevind.
Die Noordwestak, onder voorsitterskap van Simon du Plooy, het as gasheer opgetree. Die Genootskap se Nasionale Uitvoerende Komitee president, Hendrik Louw, sowel as afgevaardigdes van 11 takke landswyd het die Algemene Jaarvergadering bygewoon.
Foto’s: Wouter Pienaar
Op Saterdagaand, 11 Maart is ‘n gala-aand by The Roots Lifestyle Centre aangebied waar lede vir hulle fantastiese bydraes tot die bevordering van genealogie in Suid-Afrika vereer is.
Peet Coetzee het as gasspreker opgetree en ‘n historiese perspektief gedeel oor die Boere-offisier, Manie Lemmer. Dit was ‘n interessante kyk na Lemmer se impak in die Anglo Boereoolog as veggeneraal, sowel as sy tragiese beswyking in hierdie oorlog.
