Inwoners dankbaar dat begraafplaas opgeknap word
Die JB Marks munisipaliteit het die begraafplaas hierdie afgelope week weer opgeknap as deel van 'n skoonmaakprojek wat vir die einde van Maart geoormerk was.
In minder as twee weke sy tyd is daar ‘n groot verbetering rakende die toestand van die hoofbegraafplaas in Readstraat in die industriële area.
Die JB Marks munisipaliteit het die begraafplaas hierdie afgelope week weer opgeknap as deel van ‘n skoonmaakprojek wat vir die einde van Maart geoormerk was.
Talle werkers het bossies uitgetrek, gras gesny en ander instandhoudingswerk verrig.
Die Herald het op Donderdag, 16 Maart oor die swak toestand van die begaafplaas berig met bossies en lang gras wat tussen die grafte groei en dit moeilik maak vir inwoners om hul geliefdes se grafte te besoek. Die munisipaliteit het by navraag toe genoem dat daar ‘n skoonmaakprojek geloods sou word. Daardie belofte is nou vervul, wat inwoners met geruste harte laat.
“My hart is baie dankbaar dat die begraafplaas nou weer netjies is,” noem Mickey Bennett, een van die inwoners.
