Professor Henk Klopper het die Bailliepark Vroue Landbou Unie onlangs oor testamente toegespreek.
Corrie Terblanche, voorsitter vir die Bailliepark VLU, het Prof. Henk Klopper genooi om die dames toe te spreek oor die inhoud wat in ‘n testament leêr moet wees.

Prof. Klopper het breedvoerig gefokus op 21 punte wat in die leêr moet wees. Hy het klem gelê dat daar twee oorspronklike testamente moet wees, asook die belangrikheid van die eksekuteer oor jou testament.

‘n ID, bankstate, uitstaande rekeninge, polisbesonderhede en vele meer is volgens Prof. Klopper net so belangrik.

Nog ‘n belangrike punt waarop Prof. Klopper gefokus het is dat ‘n testament geteken en gedateer moet wees. Enige vorige testamente moet herroep word en vernietig word, sodat slegs die mees onlangse testament beskikbaar is. Die onderwerp was vir die Bailliepark VLU baie insiggewend.