Nataniël se “Ring van Vuur” gaan meesterlik wees
90 minute van hartstog, humor, hitte, virtuositeit en ritme wag op feesgangers met Nataniël se Ring van Vuur.
Nataniël bring ‘n splinternuwe skepping “Ring van Vuur” na Aardklop wat beloof om gehore te bekoor.
Met hierdie skepping smee Nataniël vyf vlambare elemente saam:
1. Oorspronklike musiek uit ’n repertoire van meer as drie dekades
2. Splinternuwe verhale
3. Die ritmes en tegnieke van Mexiko, Argentinië, Chili en Peru
4. ’n Witwarm garderobe deur Floris Louw
5. Sewe wêreldklasmusikante
Dit is 90 minute van hartstog, humor, hitte, virtuositeit en ritme. Hierdie produksie sal net op 3 Oktober in twee tydgleuwe by Aardklop vertoon. Geen kinders onder 15. Geen pouse. Geen kortbroeke. Geen selfone.
Met: Nataniël, Charl du Plessis (klavier), Werner Spies (bas), Peter Auret (tromme) en vier briljante kitaarspelers: Juan Oosthuizen, Loki Rothman, Leon Gropp en Luke van der Merwe.
Teks en vervaardiging: Nataniël (Debuut)
Genre: Musiekteater
Taal: Afrikaans, Engels
Gradering: Geen o.15 (I)
Tydsduur: 90 min.
Venue: Beeld Ouditorium
Datum en tyd: 3 Okt 15:00 en 19:00
Kaartjies: R310, R290 (Aardklop Hartsvriende)
