In 2024 verwelkom Laerskool Baillie Park sommer vyf pare tweelinge wat hulle eerste voetspore as graad 1’s in hierdie skool gaan gee. Anri en Malan van Zyl, Chizé en Keandré van Zyl, Henko en Milané Groenewald, Lea en Migael Gildenhuys sowel as Hailey en Joshua Thompson gaan hul skoolloopbaan met hul boetie of sussie aan hul sy in.

Al vyf tweelinge is boeties en sussies met geen identiese tweeling onder die nuwe Baillie-gesiggies nie.

Hailey en Joshua Thompson is ook een van Laerskool Baillie Park se onderwysers, mnr. Sidney Thompson, se kroos. Die tweelinge was blinkoog en gereed vir hul eerste skooljaar en het sommer vining hul voete gevind met die dat hul tweeling-maatjie ook naby was.