‘n Man (42) is gister (Maandag, 22 Januarie) in ‘n fabrieksongeluk by Chubby Chick in Potch Industria oorlede.

Dit is nog onseker presies hoe die ongeluk plaasgevind het.

NW polisiewoordvoerder, Brig. Sabata Mokgwabone het die voorval bevestig en dat die polisie ‘n geregtelike doodsondersoek van stapel gestuur het.

Die Departement van Arbeid was ook op die toneel om ondersoek in te stel.

Chubby Chick het by navraag verduidelik dat hulle nie kommentaar kan lewer totdat die ondersoek afgehandel is nie.

• Die Herald is bewus van die identiteit van die man maar kon nog nie teen druktyd met die familie in verbinding tree nie.