Gimmies het verlede week hulle hoof van die laaste drie jaar gegroet.

Willie van der Merwe het Donderdag sy Gimmie gesin vaarwel geroep. Van der Merwe het die pos as skoolhoof by Hoërskool Nelspruit aanvaar. Hy was vantevore die Adjunk-hoof by Nelspruit voor hy by Gimmies aangestel is.

“Dit was ‘n ongelooflike reis, dankie aan die Gimmie gemeenskap, julle ondersteuning, toewyding en lojaliteit het my regtig op geval. Dankie dat u gehelp het om hierdie plek, ‘n baie besonderse plek vir ons leerders gemaak het. Aan die leerders, julle lê my baie na aan die hart, julle het baie potensiaal, moenie dat daar ‘n plafon op julle  geplaas word nie, gaan groot, ons het wonderlike suksesse behaal die laaste drie jaar by Gimmies, julle moet daar op voortbou,” het Van der Merwe in ‘n boodskap aan die skool gesê.