‘n Ongeluk naby aan Aarbei-laan het onder raaiselagtige omstandighede die lewe van ‘n 47-jarige vrou geëis.

Die ongeluk het omstreeks 16:00 op 12 Junie gebeur.

Volgens Christiaan Haefele, bedryfsbestuurder van Mooirivier Beskerming, het omstanders op die motor afgekom waarna hulle die vrou probeer help het. Volgens hom was die voertuig reeds vol rook maar blyk dit nie of die ongeluk teen hoë spoed gebeur het nie.

“Daar is geen tekens van lewe gesien nie, met noodpersoneel se aankoms op die toneel is die vrou dood verklaar,” het Haefele gesê.

Owerhede is steeds op die toneel vir verdere forensiese ondersoek. Die presiese oorsaak van die ongeluk of die presiese oorsaak van die vrou se dood is nog nie bekend nie.