Twee vragmotors het vanaand (Sondag, 22 Februarie) omstreeks 18:55 op die N12 by die Nelson Mandelabrug gebots.

Een trokdrywer het geringe beserings opgedoen. Daar is ook tans diesel in die pad en sodoende is die pad ook tans gesluit in die rigting van die sentrale sakekern van Potchefstroom.

Dit is onseker presies hoe lank dit gaan neem voor die pad weer oop vir verkeer sal wees.

Noodpersoneel en relevante owerhede is tans op die toneel.