Plaaslike vegters blink uit by wêreldkampioenskappe
Potchefstromers het die RCFA Open World Championship by die horings aangepak.
Die RCFA Ope 2026 RCFA Ope Wêreldkampioenskappe, wat van 3 tot 6 April by Emerald Casino aangebied is, het weereens Suid-Afrikaanse talent op die wêreldverhoog laat skitter, met verskeie Potchefstroomse atlete wat uitsonderlike prestasies gelewer het.
Die RCFA Elite-span, afgerig deur Sensei Mark Ekron en Sensei Verischke Lübbe, het vier studente gehad wat onder die SA Presidentiële span deelgeneem het.
Hierdie groep het indrukwekkende medaljes behaal:
- Selmay Taylor: 4 goud en 1 silwer
- Haley Heathcote: 2 goud en 2 brons
- Jodi Wessels: 2 goud en 2 silwer
- CG Steenkamp: 1 goud, 1 silwer en 1 brons
Nog agt studente het onder die Elite-span self deelgeneem en sterk vertonings gelewer:
- James Botha: 2 silwer
- Gage Heathcote: 2 silwer en 1 brons
- Dewan Taylor: 1 brons
- Tianique Nieuwoudt: 2 goud en 1 silwer
- Caleb van Staden: 2 silwer
- Herman du Toit: 2 silwer
- Mark Ekron: 1 silwer
- Verischke Lübbe: 2 silwer
Die Elite-span het uiteindelik ’n algehele sesde plek onder die top 10 klubs behaal.
“Ons is ongelooflik trots op elke student se toewyding en deursettingsvermoë. Hierdie resultate weerspieël harde werk oor baie jare,” het Verischke Lübbe gesê.
Intussen het die RCFA Ice Team, onder leiding van Shihan Etienne van Eeden en Sensei Eben van Eeden, besonder sterk presteer met ’n indrukwekkende medalje-oes.
Ses studente het onder die SA Presidensiële span deelgeneem:
- Zariëtte Knoesen: 7 goud en 3 silwer – ook aangewys as die top vroulike deelnemer van die toernooi
- Deivin Styger: 1 goud, 2 silwer en 2 brons
- Melan van der Mescht: 3 goud
- Tian van der Mescht: 2 goud en 3 silwer
- Mattias van Niekerk: 2 goud en 1 silwer
- Ulrich van Tonder: 1 silwer
Onder die SA Nasionale span het twee deelnemers uitgeblink:
- Eben van Eeden: 3 goud, 2 silwer en 1 brons
- Etienne van Eeden: 2 goud
Die Ice Team het ook drie deelnemers gehad wat onder hul eie span deelgeneem het:
- Sidney Bezuidenhout: 5 goud
- Bismark van Tonder: 1 goud en 2 silwer
- Dachel van Niekerk: 2 goud en 1 silwer
Met sulke uitslae bevestig plaaslike vegkuns-atlete hul plek onder die wêreld se bestes en bou hulle voort op Suid-Afrika se groeiende reputasie in die sport.
Lees ook: Potch-vegter (12) skitter met drie wêreldtitels
