‘n Trok het vanoggend in ‘n sloot by die konstruksieterrein van die Botha Straat Pompstasie-projek beland.

Volgens beskikbare inligting het die vragmotor, wat aan die kontrakteur behoort, se brieke glo onklaar geraak. Dit het gebeur tydens werksverrigtinge op die perseel.

Die bestuurder van die vragmotor is hospitaal toe geneem. Geen ander mense is op die toneel beseer nie.

‘n Pyp is wel beskadig op die perseel wat herstel moet word. ‘n Hyskraan sal die trok voor die einde van die dag uit die sloot haal.