Een van Hoërskool Ferdinand Postma se Graad 9-leerders, Ruan Oberholzer, is oorlede.

Die skool het die nuus van Ruan se afsterwe Donderdag, 3 September ontvang. Hul het ‘n kort boodskap van medelye vanoggend (Vrydag, 4 September) gedeel.

“Die Ferdie-familie se harte is stukkend oor hierdie groot verlies. Ruan laat ’n leë plek in ons skoolgemeenskap, maar die mooi herinneringe aan hom sal altyd in die harte van sy vriende, medeleerders en onderwysers voortleef,” noem die skool.

“Ons innige meegevoel gaan aan die Oberholzer-gesin, familie en vriende. Mag die Here julle in hierdie moeilike tyd styf vashou en Sy vrede, krag en troos aan julle skenk. Julle is in ons gedagtes en gebede.”

Die omstandighede rondom Ruan se afsterwe is nog nie bekend aan die Herald nie.