Gimmies se Superliga A-spanne het die afgelope naweek ‘n welverdiende ruskans gehad. Die B-spanne het egter teen Ferdies gespeel. Die tweedes het eerste gekolf op die Gimmie Oval en ‘n skaflike 313 lopies aangeteken met Landré Halgryn wat 139 lopies aangeteken het.

Adriaan Röntgen het self ‘n stewige 70 lopies bygedra. Ferdies se eerstes is beperk tot 278 lopies. Gimmies wen dus met 35 lopies. Henrico Zerwick het 4 paaltjies en Landré Halgryn 3 paaltjies elk geneem. Die o.15B’s het vir Ferdies se o.15A-span met 7 paaltjies op Ferdinand Postma se velde verslaan.

Hier is foto’s van Ferdies en Gimmies se o.15 wedstryd wat verlede Saterdag by Ferdies se krieketvelde plaasgevind het.