Gimmies se bergfiets-dogters trap nasionale eerste plek los
Gimmies se bergfietsdogters het vanjaar hulle beste jaar nog in die saal, met ‘n algehele oorwinning in die 2016 Nasionale Spur Bergfietsry-kampioenskappe vir Hoërskole (Spurreeks). Dié kampioenskappe het op Saterdag 8 Oktober by Bekkerskool in Magaliesburg plaasgevind. Hulle is dus nou die beste in die land in die dogters-afdeling. Met sterre soos Danielle Strydom en …
Gimmies se bergfietsdogters het vanjaar hulle beste jaar nog in die saal, met ‘n algehele oorwinning in die 2016 Nasionale Spur Bergfietsry-kampioenskappe vir Hoërskole (Spurreeks).
Dié kampioenskappe het op Saterdag 8 Oktober by Bekkerskool in Magaliesburg plaasgevind. Hulle is dus nou die beste in die land in die dogters-afdeling. Met sterre soos Danielle Strydom en Joné van Eeden in die groep is dit geen wonder nie.
Die top vyf-skole in die algehele afdeling (dogters en seuns gekombineerd) in volgorde was: Menlopark (Gauteng), Paarl-Vallei (Wes-Kaap), Transvalia (Gauteng), Potchefstroom Gimnasium (Noordwes) en Thomas Moore College (KZN). Die volgende ryers het onder die top vyf plekke op die dag geëindig: Danielle Strydom (1ste), Brendan van Eeden (3de), Jone van Eeden (3de) en Natasha Roets (5de).
