Noordwes Rolbal se Parekampioenskap begin hierdie Saterdag. Die Buiteklub sal gasheer speel vir ‘n hele aantal seksies van die 42 mansspanne wat ingeskryf het. Die ander seksies speel by die Strathvaalklub is Stilfontein. Die 29 vrouespanne speel by die Klerksdorp Rolbalklub. Die eindstryde vind volgende naweek plaas by ‘n klub wat nog bepaal sal word.

Die Buiteklub het sewe mansspanne ingeskryf, maar ongelukkig geen vrouespan nie. Die sewe mansspanne is: Chris en Michael de Witt, Jan Koekemoer en Oelof Visser, Philip en Koos Degenaar, Ian Nieuwoudt en Jakkie Bezuidenhout, Dawid van Rensburg en Lukas Williams, Carl Adelaar en Alret Barnerd en Douw Steenkamp en Jan Heysteck.

Die Potchefstroom Rolbalklub het drie mans- en drie vrouespanne ingeskryf: Rose du Plessis en Brenda Palmer, Corrie Breitenbach en Elly van Dijk en Mina Carstens en Miemie Swart.

Mans: Ronnie Palmer en Jean du Plessis, Gerrit en Willie Janse van Rensburg en Pierre Breitenbach en Smittie Smit.