Elf rolbalspelers van die stad se twee klubs is ingesluit in Noordwes rolbal se provinsiale spanne wat Sondag by Klerksdorp Rolbalklub teen Noord-Vrystaat speel. Die wedstryde is ter voorbereiding vir die interprovinsiale toernooie wat later vanjaar plaasvind.

In die mans A-span speel Pikkie Abbott van Potchefstroom Rolbalklub. Die twee vroue van die klub in die Vroue A-span is Corrie Breitenbach en Ellie van Dijk. Ian Nieuwoudt en Chris de Witt van die Buiteklub se rolbalklub (PCC) verteenwoordig die mans B-span. Gerrit Janse van Rensburg van Potchefstroom Rolbalklub is ook in die span.

Die Potchefstroom Rolbalklub het vier lede in die seniorspanne: twee egpare: Jean en Rose du Plessis en Ronnie en Brenda Palmer. Cathie Stewart van PCC is ook in die span.

*In die Noordwes Parekampioenskap wat verlede naweek plaasgevind het, het PCC se Chris en Michael de Witt tot die halfeindstryd gevorder waar hulle vasgeval het, maar met bronsmedaljes teruggekom.

*Pierre Breitenbach van die Potchefstroom Rolbalklub is genooi om op 12 Februarie aan die SA Enkelspel Meesterskampioenskap deel te neem. Die toernooi vind by die Wanderers rolbalklub in Johannesburg plaas.