Laerskool Bailliepark hou op 6 Mei ’n Welpie rugbydag in samewerking met die Classic Clash by Boys High.
Die Welpies is rugbyspelers van graad R tot graad 2.
Die dag word aangebied by Boys High en vind plaas van 08:00 tot 14:00. Daar gaan ‘n vlooimark met ’n verskeidenheid goedere vir oud en jonk te koop wees. Nissan en Daly gaan ook op die dag uitstal. Vir kinders is daar die “Rocket” springkasteel, gesigverf, hare spuit, vang ‘n Coke en hulle gaan ook ‘n wrak met ‘n hamer kan slaan.
Kosse wissel van worsbroodjies tot pannekoek en oliebolle.
Toegang beloop R10 per persoon en R20 per voertuig, wat ‘n volkleur program insluit.
Bring die hele gesin en geniet die dag hier!