Die legendariese All Black-slot Colin, “Pinetree” Meads, is verlede week op 81-jarige ouderdom oorlede. Meads wat in 55 toetse gespeel het, word as een van Nieu-Seeland se beste rugbyspelers ooit beskou. Volgens hom was die Wes-Transvaal se rugbylegende, Johan Claassen, die beste slot wat hy ooit teen gespeel het.

Prof. Claassen het self groot wedersydse respek vir Meads gehad. Die 87-jarige Claassen woon steeds in Potchefstroom na ’n kort tydperk in Yzerfontein.  Hy is tans die oudste lewende Springbokkaptein.