Die Noordwes rolbal Ope Vrouespan, wat bestaan het uit Helen Jansen, Tracey Jacobs, Jillian Booth, Jackie Evans, Adeline Earl, Rhonda Kalis, Corrie Breitenbach en Christine Marais met die spanbestuurder Elly van Dijk, het die beste presteer van die ses Noordwes rolbalspanne wat aan die onlangse Interdistrikte toernooie reg- oor die land deelgeneem het.

Die vroue het sesde geëindig uit die twintig deelnemende distrikte. Die volgende beste prestasie was die senior vroue wat tiende was.

Drie spanne het in die twaalfde posisie geëindig: Mans Ope en Mans en Vroue B-spanne. Die Senior Manspan kon net die dertiende plek behaal.