Noordwes Rolbal se Kampioen van Kampioene-toernooi vind Saterdag en Sondag by die Klerksdorp Rolbalklub plaas. Tydens die toernooi speel die klubs se enkelspelkampioene in twee seksies uit om te bepaal wie is die mans en vroue Kampioen van Kampioene. Spel begin Saterdag om 09:00 met die laaste ronde om 14:00. Sondag word daar om 09:00 en 11:00 gespeel.

Die onderskeie klubkampioene is: Pikkie Loots en Rene de Jager (Klerksdorp), Cabous Olivier en Magdel O’Donoghue (Parys), Corrie Breitenbach en Jean du Plessis (Potchefstroom Rolbalklub), Alan Badenhorst en Jackie Evans (Strathvaal), Wilfred Quirk en Suzette Linden (Orkney), Waldi Schulenburg en Christine Marais (La Farge), Leon de Kock en Magde Conroy (Ventersdorp), Abri Schutte en Colleen du Toit (Fochville), Eddie van der Heiden en Connie Dabula (Mahikeng), Andrew Maoka en Martie du Plooy (Koster), Pieter van Wyk en Martie Potgieter (Coligny) en Michael de Witt van die Buiteklub (PCC). Die laaste toernooi van die seisoen is die Meesterskampioenskap waar spelers net op uitnodiging mag speel.