Tydens die Interhoër-swemgala wat Maandag, 25 Februarie by Potchefstroom Dam plaasgevind het, het Potchefstroom Gimnasium se swemmers weer behoorlik uitgeblink. Gimmies eindig algeheel tweede, met Hoërskool Rustenburg in die eerste plek en Bergsig in die derde plek.

Chazél Orton deel die Junior Victrix Ludorum-trofee, terwyl Theo Ferreira as die Senior Victor Ludorum aangewys is.

Hier is ander uitslae van Gimmies se swemmers: Janco Uys: 2 goud, Tiaan Rossouw: 2 goud, Anika Rossouw: 1 brons, Chazél Orton: 1 goud, 1 silwer, Jack Cameron: 1 brons, Conrad Jordaan: 2 brons, Sunél Smit: 1 goud, Reynard Rossouw: 1 silwer, 1 brons, Juandré Uys: 1 goud, 1 brons, Theo Ferreira: 1 goud, 2 silwer, Micha Kriek: 1 goud, 1 brons, William Slaughter: 2 goud, 1 silwer en Lindie Meyer: 1 brons.