Foto’s: Pampoenboere saai ‘n bekeroorwinning teen Potch Tigers Defence

Die Pampoenboere was met 20-12 voor teen halftyd en het in die tweede helfte weer hulle voet op die diesel gesit.

June 8, 2019

Wouter Pienaar Less than a minute

Die Pampoenboere van die Potchefstroom Langbou-kollege is die Luiperds Reserweliga-wenners na ‘n 34-22 oorwinning teen Potch Tigers Defence in die eindstryd op die Johann du Randt-stadion vanmiddag (Saterdag, 8 Junie).

Kaptein, Schalk Gagiano is volvreugde na sy span se oorwinning.

Dit was ‘n uitstekende klubwedstryd waar albei spanne puik drieë gedruk het en aanvallende hardlooprugby gespeel het. Die Pampoenboere was met 20-12 voor teen halftyd en het in die tweede helfte weer hulle voet op die diesel gesit.

Die wedstryd is wel ongelukkig 12 minute voor die einde gestaak, weens swak lig, wat die spelers se veiligheid sou vererger het. Dit was ‘n antiklimaks vir hierdie wedstryd wat bewys het dat altwee spanne nog ‘n blink toekoms het.