Potchefstroom Gimnasium se eerste rugbyspan het die afgelope Saterdag teen Hoërskool Wesvalia met 36-31 die knie gebuig. Dit was ‘n opwindende wedstryd in die laaste rondte van die Luiperds Skoleliga wat op die Mooivallei Sportgronde plaasgevind het.

Vir Gimmies was die buitesenter, Keenan Twigg weer op sy stukke terwyl die heelagter, Morné Stafford ook sy talent gewys het.

Hierdie selfde twee skole gaan nou weer die stryd aandurf in die halfeindstryd môre (Donderdag 13 Junie) by Hoërskool Klerksdorp om 15:30.

o.16 A: Foto’s – Wouter Pienaar

Gimmies se o.16A-span het net-net aan die verloorkant gekom met ‘n 40-38 verloor teen Wesvalia se o.16A’s. Dit was definitief een van die beste wedstryde van die dag wat enige kant toe kon gaan het.

Hier is foto’s van die eerstespanstryd: (Foto’s – Wouter Pienaar)