Net soveel soos die Luiperds drieë aangeteken het in die Supersport Uitdaagreeks vanjaar het hulle ook soveel meer drieë afgestaan. Dit het op die ou einde hulle uitslae belemmer.
Die Luiperds se laaste wedstryd van die toernooi teen die Blou Bulle in Pretoria het in ‘n 63-36 nederlaag geëindig. Die Luiperds het in hierdie wedstryd 9 drieë afgestaan.
Die Luiperds sal nou moet bou met die spelers tot hulle beskikking vir die Curriebekerseisoen wat in Julie begin. Die Luiperds sal ook heel waarskynlik vir die eerste keer in ‘n jaar wedstryde op Olënpark speel.

André Pretorius se manne mag dalk ‘n gebrek aan ervaring hê, maar beskik oor klomp talentvolle jong spelers. Die vraag is hoe hierdie jong spelers die stap na Curriebeker-rugby sal hanteer teen meer ervare spanne. As dinge eers in plek sal val dan sal dié jong Luiperds meer selfvertroue begin bou en kan weer na die eindstryd mik.

Niks minder as ‘n plek in die semi-finaal sal die Luiperds mee tevrede kan wees nie.

Voorlopige bepalings: (Curriebeker Eerste-divisie)

5/6 Julie: Luiperds teen OP (Tuis)

12/13 Julie: SWD Arende teen Luiperds

19/20 Julie: Luiperds teen Valke (Tuis)

26/27 Julie: Luiperds teen Grens (Tuis)

2/3 Augustus: Griffons teen Luiperds

9/10 Augustus: Luiperds teen Boland (Tuis)

16/17 Augustus: Jaguares XV teen Luiperds

23/24 Augustus – halfeindstryde

Friday, 30 Augustus – eindstryd