Die skitterende Gimmie tennisspeler, Mari-Louise van Zyl het tydens die ITF Harare J4 Ope in Zimbabwe vanaf 25-30 Oktober vanjaar ‘n tweede plek behaal.

Dit is ‘n fantastiese poging vir Van Zyl wat teen van Afrika se top tennisspelers, gewys het dat sy vir niemand terugstaan nie.

Al het Van Zyl in die finaal teen Sasha Chimedza van Zimbabwe met 2-6 4-6 verloor, kan sy steeds haar kop omhoog hou met ‘n konstante toernooi waar sy vier opponente verslaan het.

In die eerste rondte maak sy skoonskip met Mutsawashe Musiyiwa 6-0 6-0, en dring dring na die kwarteindrondte met ‘n oortuigende 5-7 6-3 6-3 terugvegpoging teen Chahana Buhdbhatti van Indie.

Van Zyl kom weer terug om vir Arina Valitova met 6-7 7-6 6-1 in ‘n taai kwarteindstryd te klop, en verslaan vir Claire Mahere met 4-6 6-3 6-3 om die eindstryd te haal.