Die 2022 Noordwes Platinum Interhoërbyeenkoms wat Vrydag, 11 Februarie by die NWU McArthur-stadion plaasgevind het, was propvol vuurwarm aksie.
Twee Potchefstroomse skole, Hoërskool Ferdinand Postma en HTS Potchefstroom het aan hierdie byeenkoms teen nege ander skole in die provinsie deelgeneem.
Ferdies kon ‘n totaal van 27 medaljes (7 goud, 8 silwer en 10 brons) op die dag inpalm en HTS 25 (8 goud, 7 silwer en 10 brons). Ferdies eindig op 444 punte en HTS op 332 punte. Hoërskool Wolmaransstad is as die algehele wenners gekroon met ‘n uitstekende totale oes van 109 medaljes.
Hoërskool Fochville is tweede met 73 medaljes en Hoërskool Schoonspruit derde met 49 medaljes. Ferdies se top atlete op die dag was Zander Cooke (seuns gewigstoot o.19) en Lucy Menzi (dogters driesprong o.17).
Cooke het ‘n nuwe byeenkomsrekord opgestel met ‘n 12.72 meter stoot. Menzi het met ‘n 9.80 meter sprong haar talent bewys.
HTS Potchefstroom se Boipelo Sefularo (seuns o.14 1500m) wys sy uithouvermoë met ‘n skitterende eerste plek in ‘n tyd van 5:23.68.
Bokamosa Padi verwerf ook goud met ‘n goeie sprong van 5.72 meter in die seuns o.15 verspring item.
https://www.citizen.co.za/potchefstroom-herald/101474/photos-athletes-shine-in-the-sun-at-nw-platinum-inter/
