Die Noordwes Skole Bergfiets (XCO) bekerreeks se derde ligabyeenkoms van die jaar vind plaas hierdie Saterdag (3 September) by Volkskool Potchefstroom en beloof om ‘n opwindende dag propvol aksie op twee wiele te wees.
Die fantastiese aspek van hierdie wedren is dat enige skolier kan deelneem mits hulle ingeskryf is. Die inskrywings vir deelnemers sluit op 31 Augustus om middernag.
Inskrywings word aanlyn voltooi by www.entryninja.com
Die baan sal uit verskillende plat en klipperige afdelings bestaan met talle hindernisse wat deelnemers sal uitdaag, maar ook ‘n veilige omgewing sal skep.
Fietsryers kan vir die volgende afdelings inskryf:
- Sub -Nipper: 7 en 8 jaar oud
- Nippers: 9 en 10 jaar oud
- Sprogs:11 en 12 jaar oud
- Sub-Junior: 13 en 14 jaar oud
- Youth: 15 en 16 jaar oud
- Junior: 17,18 en 19 jaar oud
At Caxton, we employ humans to generate daily fresh news, not AI intervention. Happy reading!
