Volkies se o.15A krieketspan is nes hulle eerste krieketspan ook die NW wenners toe hulle vir Gimmies op Woensdag, 19 Oktober met 67 lopies geklop het.

Danksy ‘n top boulvertoning op Volkies se tuisveld kon hul vir Gimmies vir 125 almal uitboul. Gimmies se Divan van Eldik het met 45 (85) moedig geveg, maar sy paaltjie met die telling op 101/5 het vir ‘n kolfineenstorting gesorg.

Schalk Pienaar (2/19) in 8 boulbeurte en Olefa Padi (2/18) in 7 beurte was van die uitblinkers met die bal.

In ‘n wedstryd waar die tellings laag was, het Volkies net tot by 192/8 gekom, maar toe bewys dat hul bouaanval genoeg skietgoed het.

Ruan Smit se 46 (81) en Louis van Wyk se 34 (50) was waardevolle bydrae in Volkies se kolfbeurt. Zandre da Silva se 2/33 in 10 boulbeurte was een van Gimmies se hoogtepunte op die dag.

Volkies kan nou behoorlik feesvier na hul nou albei A-titels verower op die krieketveld.