Vandag (Woendag, 5 April) om 15:00 het NWU rugbyondersteuners die geleentheid om hulle plek op die Fanie du Toit Sportgronde vir die Varsitybeker halfeindstryd tussen die NWU Arende en Maties te verseker.
Die half-eindstryd vind op Maandag, 10 April om 19:00 plaas.
Vanjaar verkoop die kaartjies aanlyn vir alle Varsitybekerwedstryde blitsvinnig uit en ondersteuners sal nie hierdie groot half-eindstryd op ‘n volgepakte Fanie wil mis nie.
Kaartjies is R30 per persoon en ondersteuners sal net drie kaartjies op ‘n slag aanlyn kan koop. Daar is in totaal ‘n maksimum van 4000 kaartjies beskikbaar.
Gebruik die volgende skakel om vanaf 15:00 (drie-uur) kaartjies aanlyn op Quicket te koop: https://www.quicket.co.za/events/212433-fnb-varsity-cup-semi-final-10-april-nwu-vs-maties#/
Die wedstryd tussen die NWU en Maties skop om 19:00 af. Die voorvertoning begin om 18:00. Hekke maak alreeds 16:00 oop.
Die NWU noem dat dit onwettig is om kaartjies vir kommersiële doeleindes in Suid-Afrika te herverkoop. Vir hierdie onwettige praktyk kan persone beboet word of 10 jaar tronkstraf kry as persone skuldig bevind word.
Geen kaartjies sal by die hek verkoop word nie.
