Die SA Baanfietsry-kampioenskappe het vanaf 1-5 April by die Bellville Velodrome plaasgevind met die NWU CHHP/CycloDNA-span wat puik prestasies behaal het.
Binne die eerste twee dae het Prof. Pieter Kruger sowel as Dana Schutte, Gerrit Janse van Rensburg en Mario Nel goue medaljes behaal.
Foto’s: Verskaf
Prof. Pieter Kruger, Direkteur van die NWU Centre for Health and Human Performance (CHHP), het sy 20km punte-wedren vir Veterane (40-49) titel Dinsdag suksesvol verdedig, en Woensdag saam met Dana Schutte, Gerrit Janse van Rensburg en Mario Nel ook die goue medalje ingepalm vir die Veterane/ope agtervolg-wedren (“pursuit-race)” vir 4 man spanne.
Die top 7 spanne het vir die finaal gekwalifiseer. Die NWU CHHP/CycloDNA-span het ‘n verstommende gemiddelde snelheid van 49.66km/h oor die 4km (vanaf ‘n stilstaande wegspring) behaal.
