Laerskool Baillie Park se boogskietspan was die afgelope naweek (5 Augustus) weer eens kookwater tydens die Noordwes Boogskietkampioenskappe wat in Rustenburg plaasgevind het
By die “Bullseye”-kompetisie het Baillies ‘n tweede plek verower en by die 2D-kompetisie een stap verder gegaan met ‘n eerste plek.
In Baillies se tweede jaar van kompetisie het hulle bewys dat hul teen groter en meer ervare skole beslis sterk kon staan.
Baillies se boogskietafrigter, Tammy-Lee Knoetze, is ook aangewys as die afrigter van die jaar vir haar uitstaande prestasies saam met hierdie talentvolle jong span.
Die top 12 skuts vir “bullseye” was: David Knoetze, Gerhard Maritz, Mia Roos, Bendre Hendrikse , Divan van der Walt, Emma Coetzee, Luan Erasmus , Suzanne van der Merwe, Derik Pheiffer, Daleen Enslin, Elizma de Jager en Muller Hattingh
Die top 6 skuts vir 2D was:
Mia Roos, David Knoetze, Gerhard Maritz, Luan Erasmus, Elizma de Jager en Bendre Hendrikse.
